وصلوا جميعا الى بيت مروة + 

مروة : اتفضل يا سلمى اعتبرى ان البيت بيتك وخدى راحتك عمرو مش بيجى كتير لانه سعات بيبات فى المكتب وبيجى هنا على الغدا وديما مسافر + 

سلمى وهى تخلع النقاب لتكشف عن بشرتها البيضاء وعينيها العسلى الفاتح مع رموشها الكثيفة كأنها اخذت من الكحل الطبيعى زينة لها  : ماشى يا ستى نردها ليكى فى هروبه كدا و لا كدا + 

مروة بضحك : لا يا ستى انا مش قلبى جامد زيك + 

سلمى : جامد ايه اسكتى دا انا حصلى حتة موقف بعد ما نزلت من القطر + 

فى هذه اللحظة قطعت حديثهم  سيدة يبدو عليها الوقار فى العقد الخامس من عمرها حنان ( والدة مورة ) : ايه يا بنات انتو هتفضلوا تتكلموا وانتو  وافقين كدا ..ايه يا مروة ما تعزمى على صحبتك ولا تقول علينا بخلا + 

سلمى : يا خبر يا طنط دا انتو اهل الكرم كله انا مكنتش اعرف اعمل ايه من غير مروة وطبعا عمرو + 

حنان : ربنا يخليكى يا بنتى يالا يا مروة خدى صحبتك على اوضتك عشان تغيرو هدومكو عشان تاكلو زمانكم واقعين من الجوع + 

مروة : حاضر يا ماما + 

سلمى : ميرسى يا طنط انا مش جعانة اكل انا جعانة نوووووم + 

حنان : خلاص على راحتك يا بنتى .... خديها يا مروة على اوضك يالا عشان تستريحوا + 

مروة : حاضر يا ماما .........ثم هامسة لسلمى : بس هعرف الموضوع برضه مش هسيبك الا لما تحكيلى + 

سلمى بضحك : ماشى يا فضولية هحكيلك بس ارتاح الاول + 

+ 

 ************************************************** + 

+ 

اتصل عبد الرحمن بأحد الرجال : عبد الرحمن : خير يا ولد لقيت العروسة  + 

الرجل : لا يا حاج باينها يا حاج هربت + 

عبد الرحمن بصياح : بتقول ايه يا ولد يعنى ايه هربت الارض انشجت وبلعتها انت تدرو عليها وتجيبها فاهم يا ولد ... لو ملجتهاش يبقى تسافر مصر وتسأل عليها فى جامعتها + 

الرجل : اوامرك يا كبير + 

هم بان يخرج من البيت لكن صباح استوقفته : رايح فين يا حاج + 

عبد الرحمن : وهو يزفر بضيق رايح للحاج اسماعيل اشوف اخرتها ايه مع العيال دى + 

صباح : ابقى طمنى يا حاج انا قلبى واكلنى على البنية + 

عبد الرحمن : مش وقته يا صباح سلام + 

ذهب عبد الرحمن لاسماعيل + 

عبد الرحمن : سلام عليكم يا حاج + 

اسماعيل : وعليكم السلام اتفضل يا مراحب يا حاج عبد الرحمن + 

عبد الرحمن : انا مسافر القاهرة عندى شغل كتير جوى وبجالى اكتر من اسبوع معرفش عن الشغل حاجة واصل ...وبالمرة اشوف حكاية العريس والعروسة الى فضحونا دول + 

اسماعيل : على بركة الله يا حاج ولو احتجت منى ايوتها حاجه ابقى بلغى وانى رقبتى سدادة + 

عبد الرحمن : تسلم يا حاج ..اسـتأذن انا بقى زمال الجماعة مستنينانى عايزة تتطمن على البنيه + 

اسماعيل : ما لسه بدرى يا حاج اقعد اتغدى معانا وبعدين روح + 

عبد الرحمن : وقت تانى يا حاج ...مع السلامة + 

اسماعيل : اتفضل يا حاج + 

اتصل فارس بإنجى + 

فارس : هالو انجى + 

انجى بغضب مصطنع : هاى بالبيه الهربان ومعرفش مكانه فين لحد دلوقتى.....انت فين دلوقتى؟ + 

فارس بحدة : اهدى بس يا انجى انا القاهرة + 

انجى باستغراب : القاهرة!! وبتعمل ايه فى القاهرة ؟ + 

فارس : هبقى احكليك بس فى حاجة انا مقدرش اسافر اسكندرية دلوقتى + 

انجى : خلاص انا جيالك اشوف فاخرتها ايه معاك كلها كام ساعة واكون عندك ...هنتقابل فين ؟ + 

فارس  : بصى هقابلك فى نادى الجزيرة ...لما توصلى القاهرة ابقى اتصلى بيا + 

انجى : اوكية تمام ...سى يو + 

فارس: سى يو + 

  + 