دخلت مروة (صديقة سلمى من القاهرة) : ايه يا سلمى الكلام دا الى انتى قولتيه ....نظرت سلمى للفتايات حولها قائلة : لو سمحتوا ممكن تسيبونا لو حدنا شويه وبالفعل خرجت الفتايات.
مروة : دا بجد بقى يا عينى عليكى يا سلمى بقى سلمى الى قالت مش هتتجور دى تبقى نهايتها ربنا يكون فى عونك
سلمى : بس مروة انا جيباكى هنا عشان تساعدينى ولا تذودى الهم عليا
مروة : مش قصدى يا سلمى .. لولا انك انك كلمتينى وصوتك باين عليه انك كنتى معيطة مكنتش صدقت على فكرة انا مكنت اعرف الطريق هنا جبت عمرو وجيت ( اخو مروة )
سلمى : ايـــه عمرو جه معاكى !
مورة : ايوة يا بنتى انا معرفش حاجه هنا فى الصعيد وبعدين عمرو كان بيجى هنا بحكم انه محامى ولافف مصر شبر شبر
سلمى : امرى لله .... ها هتساعدينى ولا اشوف حد غيرك
مروة : انا معاك يا معلم لحد اخر الدنيا بس شوفى انتى ناويه على ايه وانا معاكى
سلمى :جبتى الحاجه الى قولتلك عليها
مروة : ايوة اتفضلى دى تذكرة القطر الى هيمشى كمان نص ساعة وادى يا ستى الهدوم ال انتى طلبتيها .. بس مش عارفة انتى مش راضية تركبى معانا العربية ليه
سلمى: انتى متعرفيش الناس هنا لو شموا ريحه حد غريب ممكن توصل للقتل
مروة : ربنا يستر
سلمى : هيسترها ان شاء الله....بقولك ايه يالا بسرعه الحق اجهز نفسى قبل ما حد يشوفنا .فى هذه اللحظة رن هاتف مروة ، دا عمرو بيرن عليا اتسعجلى بسرعه قبل ما حد يشم خبر بهروبك .
سلمى : ثوانى يا مروة وهكون جاهزة .. بقولك ايه اطلى بره الاوضه راقبى المكان
مروة : اوك
***************************************************
فى مكان اخر خرج العريس ليرحب بمن حضروا لتهنئته
فارس حدث خالد همسا : بقولك ايه ها جهزت كل الترتيبات الى قولتك عليها
خالد بنفس الهمس: ايوة كله تمام .. وبالفعل اتصل خالد باحد الرجال ليعطى الاشارة ليقطع الكهرباء عن المكان
اتجه فارس وخالد الصديق الثالث لهم ليتجهوا نحو السيارة
فارس : دى شنطة هدومى خليها معاك و ابقى اخدها منك فى القاهرة
خالد : اوك ..استنى معاك فلوس ؟
فارس : ايوة معايا مينحرمش منك يا مان
خالد : ربنا معاك يا زميــــل
و بالفعل فى ذلك ركب خالد القطار استعدادا للهروب من الزفاف الغير مرغوب فيه
**************************************************
أيضا سلمى خلعت فستان زفاها وارتدت الاسدال الاسود واردت ايضا النقاب ليواريها عن الانظار وهى تعلم ان ذالك خطأ ولكن ما باليد حيلة .
سلمى اعطت رنه على مروة لتعلمها بأنها انتهت من لبسها.
مروة : خلصتى ..
سلمى : ايوة .. يالا بسرعة
مروة : اووك .. خلى الفلوس دى معاكى انتى متضمنيش ظروفك دى ايه اه فى حاجه بلاش ترجعى البيت الى فى القاهرة اوى مكان هيدورا فيه بلاش تروحى الجامعه برده
سلمى : تمام انا عاملة حسابى وهدور على بيت صغير استخبى فيه لحد ما الامور تهدى وبعدين ارجع احاول استسمح بابا و ماما وبدأت بالبكاء انا عارفة ان قلبهم طيب وهيسامحونوا لما يعرفوا ليه عملت كدا
مروة : معلش يا حبيبتى مش وقته عياط يالا نمشى من هنا قبل ما حد يحس بينا
وبالفعل خرجت سلمى ومروة للتخلص من هذا الكابوس . ركبت سلمى مع مروة فى عربه عمرو لتوصلها لمحطة القطار . مروة : مش هوصيكى يا سلوم خدى بالك من نفسك
سلمى : بإذن الله يا ريرى .ثم التفتت الى عمرو ..انا متشكرة اوى يا استاذ عمرو
عمرو : على ايه يا انسة سلمى انتى فى معزة مروة .
سلمى : سلام عليكم ولوحت بيدها مودعه
وبالفعل ركبت سلمى القطار استعدادا لرحلة الهرب .