دخلت مروة غرفتها التى تشارك اياها سلمى مروة بصوت عالى : سللللللللللللللمى قومى .
سلمى بفزع : ايه يا بنتى فى ايه حصل زلزال ولا ايه
مروة بضحك : بعد الشر قومى يالا عشان تاخدى شارو عشان تنزلى تتغدى الساعة اربعة العصر
سلمى تقذف مروة بالمخدات : امشى بدل ما اوريكى يا مروة على الخضة دى ... سبينى انام ....حرام عليكى قطعت الخلف
مروة بضحك وهى تصد الضربات : خلاص خلاص اهدى بس الحق عليا بصحيكى عشان تاكلى زمانك جعانة
سلمى: ال بيصحى حد بيصحيه كدا
مروة : سورى يا سالومى قومى يالا
فجأة رن هاتف سلمى ما كادت تنظر الى المتصل حتى تعلو الابتسامة على شفتيها
مروة مبتسمة : طيب اسيبك دلوقتى
ردت سلمى على الهاتف
سلمى : السلام عليكم
رامى : وعليكم السلام .... اذيك يا سلمى وحشااااااااانى جدا
سلمى وقد بدأ عليها البكاء : انت كمان يا رامى وحشتنى اوى اوى . انا الحمد لله بقيت كويسة لما سمعت صوتك ...انت رجعت مصر ولا لسه ؟
رامى : انا بقالى تلات ايام هنا فى القاهرة ....... ايه ال سمعته دا سلمى ؟
سلمى وقد بدا عليها الحزن : مش وقته يا رامى لما اقابلك هبقى احكيلك
رامى : اوكية يا سلمى .. هقابلك فى مطعم.... الساعة سبعة .... بس متتأخريش زى عدتك
سلمى بابتسام : خلاص تمام باذن الله هكون عنك .. ومش هتأخر يا سيدى
اغلقت سلمى الهاتف لتشعر ببعض الاطئنان ودخلت الحمام حتى تأخذ حماما دافئا لتحصل على الاستجمام
خرجت سلمى من الغرفة لتقابلها ابتسامة سلمى
مروة بنظرة خبيثة : طبعا محدش قدك
سلمى بضحك : مش هتبطلى ابدا .... طبعا يا بنتى من حق الكبير يتدلع .....دا يدوب الحق جهز نفسى
مروة : ماشى يا سالومى يالا عشان تتغدى ولا مش ناوية
دخلت حنان فى الحوار : ايه يا بنات هتقعدوا ترغوا كتير كدا يا لا بطلوا دلع
سلمى :عشان خاطرك يا طنط وطلعت لسانها لمروة
حنان بضحك : هتفضولوا عيال
وجلسوا جميعا لتناول الطعام
*********************************************
دخلت انجى النادى وقد ارتدت بنطلون جينز ازرق و بادى بينك حيث جعلت من الاوان الصناعية زينة لها واطلقت لشعرها العنان ليصل الى منتصف ظهرها .
اما فارس فقد ارتدى حلته الانيقة المكونة من بدلة كحلى يرتدى تحتها قميص ابيض ، فعندما رأى انجى تدخل النادى حتى علت ابتسامته.
انجى مصطنعة الحزن : هاى فارس اذيك يا وحش
فارس هو يمد يده للتحية : هاى يا انجى .ثم قال بهيام : وحشتينى اوى يا انجى.... اخبارك ايه ؟
انجى بحزن : لو كنت بتسأل كنت عرفت اخبارى
فارس : سورى يا انجى ..امال انا جبتك النهاردة ليه ...مش عشان اوضحلك سوء التفاهم الى حصل
انجى : اما نشوف ..اتفضل قول الى عندك انا سمعاك
فارس : تحبى تشربى ايه الاول ؟
انجى : اشرب اورانج
فارس : جارسون اتنين اورانج لو سمحت
**************************************************
فى مكان اخر ولكن فى نفس المدينة فى قاهرة المعز
جلس رامى فى المطعم ينتظر سلمى يحتسى فنجان من القهوة و ينظر فى ساعته كل دقيقه ، بعد فترة
دخلت سلمى المطعم ترتدى حجاب بسيط اشبه بلون عينيها وجيب وبلوزة .مجرد ان رأها رامى قام من مقعد
حتى ما هى ما كادت تقترب منه حتى ارتمت باحضانه.
سلمى : راامى وحشتنى اوى
رامى : انتى كمان يا سلمى وحشتينى .... اتفضلى اقعدى
بعد فترة من الصمت ليبث كلا منهما شوقه للاخر فقطع هذا الصمت رامى
رامى : اخبارك ايه يا سلمى عاملة ايه؟
سلمى : انا الحمد لله بخير لما شوفتك واطمنت عليك ...اخبار دراستك ايه ؟
رامى بشرود : الحمد لله اهى ماشية بس الغربة تعبتنى اوى يا سلمى
سلمى : معلش يا رامى استحمل يا حبيبى دا شغلك برضه
رامى بضحك: وبعدين يا بكاشة انا كنت هنا من شهر
سلمى :بابتسامة شهر كتير برضه يا سى رامى
رامى :ماشى يا ست سلمى ...... بصى بقى انا عازمك انهارده على عزومة جامدة طحن
سلمى بضحك : طحن !! انت بتجيب الكلام دا منين امال لو مكنتش بتدرس برده كانوا عليك بيئة
رامى بابتسامة : ماشى يا بيئة ..ها تحبى تاكلى ايه ؟
سلمى : معلشى يا رامى هكتفى بكوبايه عصير مانجه
رامى : ماشى يا سلمى على راحتك زى ما تحبى ..
..ونادى على الجارسون ليطلب رامى فنجان قهوة اخر وكوب عصير مانجو لسلمى .
رامى : ها يا ستى انتى عايشة فين دلوقتى ومع مين
سلمى : هقولك بس بلاش تغضب .....انا قاعدة عند طنط حنان مامة مروة
رامى بحده بسيطة: مروة ! يعنى اكيد اخوها موجود
سلمى : لا لا لا اطمن اخوها مسافر على طول او بيقعد بيبات فى المكتب اطمن
رامى وقد هدأ قليلا : ماشى يا سلمى هعديها المرة دى .. بس اعرفى حاجه الوضع دا مش هيطول عن كدا فهمانى يا سلمى ؟
سلمى بابتسامة : حاضر يا رامى
رامى : بصى بقى عايزك تحكيلى بقى ايه الى حصل
سلمى : اوكية.